Полскиот премиер му врати на Трамп: ЕУ не е формирана за некого да „зезне“

Полскиот премиер Доналд Туск одговори на изјавата на американскиот претседател Доналд Трамп дека Европската унија е дизајнирана да ги „зезне“ Американците.

Во одговорот на социјалната мрежа Х, Туск демантираше дека некој во ЕУ на ваков начин гледа на политиката.

„Европската унија не е формирана за никого да „зезне“. Сосема спротивно. Таа е основана за да го одржи мирот, да изгради почит меѓу нашите народи, да создаде слободна и фер трговија и да го зајакне нашето трансатлантско пријателство. Колку и да е едноставно“, рече Туск.

Претходно, американскиот претседател зборуваше за потребата од усвојување царини за земјите од ЕУ, нагласувајќи дека, според него, ЕУ е основана со цел да ја поткопа американската економска сила и моќ.

„Ги сакам европските земји. Видете, ајде да бидеме искрени. Европската унија беше формирана за да ги „зезне“ Соединетите Американски Држави. Тоа е целта на тоа, и тие го направија тоа добро“, рече Трамп.

На прашањето за можните одмазднички тарифи од страна на ЕУ за американски стоки, американскиот претседател рече дека не е загрижен.

Share on Facebook

Tweet

Follow us

Save