Поништено гласање во Студеничани, скршена кутија во Гевгелија – заврши гласањето за нов лидер на СДСМ

Заврши гласањето на вонредните внатрепартиски избори за нов претседател на СДСМ. Централната изборна комисија (ЦИК) констатираше дека процесот бил кредибилен и демократски.

Избирачко место во Студеничани било предвреме затворено и таму гласањето е поништено. Во Гевгелија била скршена кутијата и имало 10 минутен застој во гласањето.

Приговори стигнале од 15 општински изборни организации, во шест од нив се прифатени, а во останатите девет се одбиени, информираше Викторија Аврамовска Мадиќ, претседателка на ЦИК.

На седум членови им било дозволено да гласаат, бидејќи, иако уредно се најавиле, сепак, не се нашле на избирачкиот список, а на други 44 не им биле прифатени приговорите.

Share on Facebook

Tweet

Follow us

Save