INFOMAX.MK

Липицанерите и прошетката на градот со кочија беше огромна туристичка атракција на Град Скопје. Во 2013 Коце Трајановски набави два липицанери Монтоја и Сигојно од Грција, но и специјална кочија која беше набавена од Полска.

Истите беа користени за прошетка низ Плоштадот Македонија. Веднаш по превземањето на локалната власт, Петре Шилегов поради лични хирови го укина проектот, а од тогаш градоначалнико ги смести коњчињата во шталата до Зоолошката градина во Скопје.

Неодговорната работа на Шилегов излегува на површина и по завршувањето на неговиот мандат.

Последен пример кој се појави во јавноста е угинувањето на липицанерот Монтоја минатиот месец, кој ја покажува на дело несовесната работа на претходниот директор на ЈП Паркови и зеленило, поставен од страна на поранешниот градоначалник Петре Шилегов.

Негрижата на претходното раководство дозволи липицанерот иако стар околу 14 години да угине, иако липицанерите важат за долгоживотни коњи кои живеат од 30 до 35 години.

На липицанерите за долговечност им е потребна голема физичка активност која им била ускратена изминативе 4 години бидејќи тие беа чувани во штала, со ваквата негрижа и поради личните хирови на Шилегов беше скратен животниот век на ова прекрасно животно.

Коњите се социјални животно па така сега и липицанерот Сигојно се соочува со сериозни проблеми откако го нема веќе својот пријател Монтоја.