Поранешниот претседател Буш му ја честиташе победата на Трамп

Поранешниот американски претседател Џорџ Буш денеска му ја честиташе победата на новоизбраниот претседател Доналд Трамп на изборите одржани во вторник.

„Му честитам на претседателот Трамп за неговиот избор за 47-ми претседател на Соединетите Американски Држави, како и на новоизбраниот потпретседател Џеј Ди Венс и нивните семејства“, рече Буш во изјавата, пренесува Фокс њуз.

Тој им се заблагодари на американскиот претседател Џозеф Бајден и на потпретседателката Камала Харис „за нивната услуга за нашата земја“.

„Силниот одзив на овие избори е знак за здравјето на нашата република и силата на нашите демократски институции. Лаура и јас сме благодарни на изборните службеници, анкетарите и волонтерите кои ги надгледуваа слободните, фер и безбедните избори Ние им се придружуваме на нашите сограѓани во молитвата за успех на нашите нови лидери на сите нивоа на власта, Господ да продолжи да ја благослови нашата голема земја, пренесува Танјуг.

Поранешниот претседател Буш одби да го поддржи Трамп во изборната трка оваа година, според Фокс њуз.

Share on Facebook

Tweet

Follow us

Save