Почнува судењето за двојното убиство на Вања Ѓорчевска и Панче Жежовски

Денес во Основен кривичен суд е закажано рочиште за двојното убиство на Вања Ѓорчевска и Панче Жежовски.

Судскиот совет на почетокот на месецов донесе одлука за да се спојат постапките на обвинетите, откако ОЈО најпрво поднесе обвинение за четири лица, а потоа и за Љупчо Палевски – првоосомничен во случајот.

За Палевски се чекаше екстрадиција од Турција. Тој се товари за грабнување и за убиство на 14-годишната Вања и за 74-годишниот Панче.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Share on Facebook

Tweet

Follow us

Save