Предупредувачки бојкот во Управата за матични книги во Тетово – граѓаните остануваат без услуги, но ги разбираат вработените

Граѓаните на Тетово кои денеска дојдоа во Управата за матични книги, се вратија без да завршат работа.

Вработените во оваа институција започнаа бојкот, бидејќи веќе две години бараат потпишување на Колективниот договор.

Граѓаните што ги сретнавме, иако останаа без јавна услуга, велат дека ги разбираат:

„Никој не работи таму, затворено е.“

„Што да кажам?“

„Дојди утре.“

„Додека трае штрајк, не верувам.“

„Се мисли дека треба да се реши проблемот на овие вработени?“

„Клучот го знаеме кој го има, ама треба или не треба, тоа е нивна работа.“

Насер Џемаили, од Независниот синдикат на Управата за матични книги, им се извини на граѓаните што се вратија дома, објаснувајќи дека поголемиот дел од вработените се како нови соработници и примаат минимална плата. Ако до петок не се потпише Колективниот договор, од понеделник ќе започне генералниот штрајк.

„Денеска имаме само еден ден како предупредување за штрајк. Ако не не повикаат и не се реши проблемот, од понеделник ќе бидеме во генералниот штрајк низ цела Република Северна Македонија. Нашето барање е Колективниот договор и зголемување на платата за 20%. Не бараме ништо повеќе, ниту 70% како функционерите, и треба да го земат предвид ова барање, бидејќи сме и најважната дирекција во Република Северна Македонија и без матичната состојба државата не може да функционира.“, вели Насер Џемаили.

Во целата Управа за матични книги има вкупно 350 вработени. Поголемиот дел, иако имаат повеќе од 10 години работно искуство, не се унапредени и се уште се третираат како нови соработници со минимална плата од 22.500 денари.

Share on Facebook

Tweet

Follow us

Save