Приведени три лица за силување на малолетничка помала од 14 години

Струшката полиција денеска привела три лица поради сомневање за полов напад врз малолетничка, помала од 14 години.

СВР Охрид соопшти дека за делото се осомничени две повозрасни лица и еден малолетник.

„ОВР Струга денеска ги лиши од слобода Т.Л.(57), од струшкото село Враништа, Н.К.(69) од селото Драслајца и 17-годишно лице од селото Мороишта, поради постоење основано сомнение за сторено кривично дело полов напад врз малолетник кој не наполнил 14 години“, изјави портпаролот Стефан Димоски.

Според информациите, настанот во полиција го пријавил таткото на девојчето. Жртвата била злоставувана во неколку наврати, а еден од сторителите бил близок пријател на семејството.

По целосно документирање и расветлување на настанот, Димоски додаде дека ОВР Струга ќе поднесе соодветна пријава.

Share on Facebook

Tweet

Follow us

Save