Пристигна првата реакција на Русија за изборите во Србија

Републиканската изборната комисија ја потврди победата на Српската напредна партија на предвремените парламентарни избори со 46,84 отсто гласа (1.667.801), а опозициската проевропска коалиција „Србија против насилството“ освои 23,38 отсто.

Од запишаните 6.500.666 гласачи, гласале 58,84 отсто, а околу 2,7 отсто има неважечки ливчиња.

Изборниот праг од три проценти го поминаа и Социјалистичката партија на Србија (6,59 %), национално-конзервативната коалиција „Надеж за Србија“ (5,02), а изненадувањето на годинешните избори – неодамна формираната политичка групација „Ние – гласот на народот – Бранимир Несторовиќ“ со 4,68 отсто од гласовите. Сите други листи не го поминаа изборниот праг не сметајќи ги малцинските партии. Така, меѓу другите, надвор од парламентот ќе бидат и Народната партија на Вук Јеремиќ, коалицијата предводена од Социјалдемократската партија на Борис Тадиќ и радикалите (СРС) на Воислав Шешељ.

Портпаролот на Кремљ, Дмитриј Песков, изјави дека Кремљ внимателно ги следи изборите во Србија, го поздравува успехот на партијата на српскиот претседател Александар Вучиќ и се надева дека тоа ќе помогне за понатамошен развој на односите.

„Тоа е исклучиво внатрешно прашање на Србија, нашата пријателска, братска Србија. Се разбира, го поздравуваме овој успех на господинот Вучиќ и се надеваме дека ќе придонесе за понатамошен развој на земјата“, изјави Песков пред новинарите, пренесува „РИА новости“.

Share on Facebook

Tweet

Follow us

Save