Пријавени две експлозии во близина на брегот на Јемен

Две експлозии пријави денеска брод што го преминувал Аденскиот залив во близина на брегот на Јемен. Експлозиите се случиле пред бродот, соопшти Британската агенција за поморска безбедност УКМТО.

Тоа е најновиот напад насочен кон поморскиот сообраќај во близина на брегот на Јемен.

„Капетанот пријавил две експлозии пред бродот. Бродот и екипажот се безбедни. Се препорачува на бродовите да пловат со внимателност и да пријават каква било сомнителна активност до УКМТО“, се вели во соопштението на британската агенција.

Експлозиите се случиле на околу 50 наутички милји југоисточно од пристанишниот град Аден, кој е под контрола на јеменската Влада во нејзината војна со бунтовниците Хути.

Засега никој не презеде одговорност за експлозиите.

Хутите ги засилија нападите врз трговските бродови во Црвеното Море и Аденскиот Залив од ноември, предизвикувајќи многу сопственици на бродови да ги избегнат тие клучни премини за меѓународната трговија.

Share on Facebook

Tweet

Follow us

Save