Производството на омилената храна на милиони луѓе е главен загадувач на животната средина

Овој податок можеби ќе ги налути љубителите на оваа храна, но производството на сирење од животинско потекло би можело да биде одговорно за најголемиот придонес за емисиите на јаглерод во атмосферата, според едно ново истражување.

Само еден килограм од најпопуларните видови сирење што можете да ги најдете во продавниците – како чедар, моцарела, фета и пармезан – произведува помеѓу 6,5 и 12,8 килограми јаглерод диоксид, според студијата на консултантската куќа Quantis. Таа количина на јаглерод испуштена во атмосферата, наводно, е иста како онаа што се јавува при возење автомобил на оддалеченост од 11 километри, според проценките на South West News Service.

Веганското сирење се промовира како поеколошка алтернатива

За споредба, авторите на студијата откриле дека производството на половина килограм веганско сирење ќе предизвика 3,7 килограми помалку јаглерод.

Светскиот економски форум предупредува дека млечните сирења следат веднаш зад говедското и јагнешкото како најголеми генератори на стакленички гасови меѓу храната, пред производството на пилешко, свинско и јајца.

„Влијанието на млечните производи врз животната средина често не се гледа под радарот“, предупреди експертот Сали Смит, според The ​​New York Post.

Share on Facebook

Tweet

Follow us

Save