Протест во поддршка на поранешните лидери на УЧК во Стразбур

Денес во Стразбур се одржа протест во поддршка на поранешните лидери на ОВК, Хашим Тачи, Кадри Весељи, Јакуп Красниќи и Реџеп Селими. Според албанските медиуми, речиси шест илјади Албанци се собраа во Стразбур со албански знамиња, транспаренти и знаци во поддршка на поранешната ОВК и нејзините лидери.

Собраните пред Собранието на Советот на Европа извикуваа слогани во поддршка на поранешните лидери на ОВК, пренесува Косова Прес.

Протестот беше организиран од ветерани на ОВК, кои денес испратија по 285 писма до секој член на Собранието на Советот на Европа, изразувајќи ја својата загриженост за процесот на судење на поранешните лидери на ОВК пред Специјалниот суд. „Денес во Стразбур, Франција, се одржа протест против неправдата.

За време на овој протест, до секој член на Собранието на Советот на Европа беа доставени по 285 писма, со наша загриженост во врска со процесот во Специјалниот суд. Организацијата на воени ветерани на ОВК продолжува со својата посветеност на правдата и почитувањето на правата на борците за слобода“, се вели во соопштението на организацијата.

Share on Facebook

Tweet

Follow us

Save