INFOMAX.MK

Рама во ОН повика на признавање на Косово, пренесоа косовските медиуми.

Албанскиот премиер Еди Рама ги повика членките на Обединетите нации да ја признаат независноста на Косово, велејќи дека истото треба да го стори и Белград, како и Специјалниот суд со седиште во Хаг, кој е формиран врз основа на извештајот на Дик Марти, кој го нарече монументален неуспех на меѓународно ниво.

Во својот говор на 77. сесија на Генералното собрание на Обединетите нации, Рама го нарече извештајот на Дик Марти „еден од најлошите случаи на искривена реалност на светско ниво“.

„Во 2011 година, Собранието на Советот на Европа го одобри извештајот составен од достојниот пратеник на Европскиот парламент, Дик Марти, во кој се обвинува ОВК за грозоморно злосторство трговија со органи. Г-дин Марти требаше да биде платен како раскажувач, но никогаш не требаше да му се верува како известувач за Советот на Европа. Неговиот извештај беше шокантен. А вие, многумина, тогаш му поверувавте. Ова се покажа како клучен фактор за поттикнување на идејата и формирање на Специјализирани совети на Судот за Косово. Стана и еден од најлошите случаи на искривена реалност, еден вид манифест за светска пропаганда против независноста на Косово“, рече Рама.