Рама: Да не се потценува ризикот од ескалација на тензиите во Косово

Албанскиот премиер Еди Рама во врска со ситуацијата на северот на Косово изјави дека единствениот пат напред е дијалог и договор врз основа на француско-германскиот план. Тој посочи дека доколку српскиот претседател Александар Вучиќ побара итна седница на Советот за безбедност на ОН, ќе се консултира со сојузниците на Албанија за гласањето.

Рама посочи дека одложувањето на формирањето на Заедницата на српските општини е стратешка грешка, како и инсистирањето градоначалниците кои беа избрани на изборите на кои беа бојкотирани да работат од општинските згради во четири општини на северот на Косово, додавајќи дека се надева дека Вучиќ, кога ќе се организираат повторно избори во тие општини, јасно ќе каже дека учеството на Србите ќе биде обезбедено.

„Сметам дека одложувањето на формирањето на ЗСО е стратешка грешка и стратешка грешка е да продолжиме да го одложуваме воспоставувањето услови граѓаните на Србија да ги имаат своите верски права и да функционира црквата, како и инсистирањето за престојот во општинските згради со полиција, тоа се грешки, тоа го кажав јавно и сега го повторувам. Од друга страна, верувам дека претседателот на Србија јасно ќе го каже тоа секогаш кога ќе се создадат услови за прегласување , дека ќе се обезбеди учество на Србите“, рече Рама.

Тој посочи дека нацрт-статутот на ЗСО што го испратил до францускиот претседател и до германската канцеларка е позитивен придонес што тој го дал и кој, според него, е позитивен кога станува збор за неговата содржина.

„Но, тоа не е нешто што партиите нужно треба да го прифатат. Тој предлог не беше разгледан од ниту една партија. Се извинувам и жалам што некои не сакаат да сфатат дека ова беше придонес за Косово, но за нив тоа нема вредност Нема да го преземам тоа на себе, народот на Косово зборува за себе“, рече Рама.

Рама одговарајќи на новинарско прашање дали неговата загриженост дека северот на Косово би можел да се претвори во Донбас стивнала, изјави дека никој не треба да го потценува ризикот од натамошна ескалација на тензиите.

„До тој момент кога ќе се најдеме во таква ситуација да можат да започнат вооружени движења и да направат нешто што не смееме да го дозволиме, бидејќи тоа би не доведе до ситуација која може да биде споредлива со Донбас, да создадеме територија во регионот и може да има последици од неразбирливи размери“, предупреди Рама.

Тој изјави дека ситуацијата на северот денеска може да се контролира со јасно дефинирани точки за цел на деескалација, кои ги утврди меѓународната заедница, а кои треба да се применат без прашањето: „Што ако…“.

Мора да се постигне заедничка гледна точка и процесот на дијалог мора да продолжи нормално“, додаде Рама.

Тој нагласи дека во однос на гласањето во Советот за безбедност на ОН, доколку има седница која Вучиќ најави дека ќе ја побара поради ситуацијата на северот на Косово, ќе се консултира со своите сојузници, големите сили.

„Ние сме членка на НАТО, но свесни сме и за нашата големина, ниту сме велесила, ниту имаме капацитет да се однесуваме така, но среќата ни е што сме во сојуз со големите сили и правиме се во консултација со нив“, рече Рама.

Според него, тој сака да биде запознаен со таа идеја, бидејќи не знае „што мисли Вучиќ кога вели дека Советот за безбедност мора да се занимава со северот на Косово“.

„Тензиите не треба да го вознемируваат нашиот компас и не треба да се гледаат како дејствија на едната страна, туку како прашање што мора да се реши и разговара со сите сојузници и со ЕУ“, рече Рама.