Рама: Косово доброволно стана заложник на Србија

Албанскиот премиер Еди Рама во интервју за „Јехона политике” оцени дека  Косово доброволно станало заложник на Србија и оти „мора да го освои мирот, да ги исполни своите должности, кои Србија никогаш нема да ги исполни”.

Тој додаде дека Косово нема никаква врска со Србија и оти Косово не треба да ја зема предвид Србија на својот пат, нагласувајќи дека  „за мене, Косово ја доби војната, но мора да го добие мирот“.

„Да се добие мир значи да се седне на масата на демократската заедница. Тоа е сè. За да се направи ова, воопшто не смее да се гледа во Белград, воопшто не смее да се размислува за Србија, воопшто не смее да се грижи што велат или тврдат Србите, туку мора да се извршуваат сопствените должности“, посочи Рама.

Тој смета дека Косово „мора да ги извршува своите должности за себе и за својата иднина, а не за Србите”.

-Тие се поврзани со дијалогот, но се поврзани и со Европската Унија и САД, што значи дека ако има „x“ точки што треба да се исполнат на масата за дијалог, Косово треба да ги исполни еднострано и да продолжи напред. Воопшто не е важно што прави Србија, никогаш нека не ги прави, нема проблем, потенцира Рама.

Share on Facebook

Tweet

Follow us

Save