Рама: Ќе го прогласиме Иран за спонзор на тероризмот

Премиерот Еди Рама денеска изјави дека „следната недела парламентот ќе биде повикан да гласа за резолуција со која Хомеинистичката Република Иран ќе биде прогласена за држава-спонзор на тероризмот.

-Заедно со тоа, Иранската револуционерна гарда и Хезболах ќе бидат прогласени за терористички организации. Секако, ние не сме пионери во овие чекори, бидејќи има сојузници што го направиле тоа и претходно, но време е и ние да го направиме тоа – изјави Рама.

Понатаму, шефот на владата предупреди дека, со оглед на порастот на цените на нафтата како последица на војната во Иран, се разгледува можноста за создавање државен фактор на пазарот на нафта.

-Кризата се појавува насекаде во светот, вклучително и во Албанија, како резултат на зголемувањето на цените на нафтата. Една од нашите цели е да создадеме нов фактор на нафтениот пазар, државен фактор, за да создадеме капацитет што ќе го олесни товарот врз граѓаните, исто како што конкуренцијата што ја поттикнавме го намали товарот со целосно менување на пристапот кон авионските летови.

Имавме најскап аеродром во Европа, а денес имаме најуспешен на Балканот. Денес Белград повеќе не е главниот град на авијацијата, туку Тирана. И тоа е достигнување на оваа влада, и покрај жалењето на сите оние кои сакаат да нè видат пропаднати – изјави премиерот.

Share on Facebook

Tweet

Follow us

Save