Објавено на:

Премиерите на Црна Гора и Албанија едногласни: Сведоци сме за пеколното воено уништување

t

Премиерите на Црна Гора и Албанија, Дритан Абазовиќ и Еди Рама, пристигнаа во Киев, каде отпатуваа на покана на украинскиот претседател Владимир Зеленски.

Абазовиќ и Рама се првите лидери на земјите од Западен Балкан кои официјално ја посетија Украина, која се соочува со воена агресија на Руската Федерација која трае повеќе од три месеци.

Во својата прва објава на Твитер, премиерот Абазовиќ рече дека е во Украина за да ги поддржи нејзините граѓани во одбраната на нивното право на слобода.

„Црна Гора ќе продолжи да ѝ помага на Украина во ова тешко време и хуманитарна катастрофа“, напиша Абазовиќ на Твитер.

Абазовиќ изјави дека тој и премиерот Рама ја посетиле Бороѓанка веднаш по нивното пристигнување.

„Град кој беше уништен на почетокот на инвазијата. Сведоци сме на пеколното воено уништување. Заедно со премиерот Рама се молиме за мир и цврсто стоиме со граѓаните на Украина“, навел црногорскиот премиер.

Премиерите потоа го посетија Ирпин, каде, како што наведе Абазовиќ на својот Твитер профил, уништени се 1.100 домаќинства.

„Граѓаните претежно ги напуштија своите домови, инфраструктурата е уништена… Сочувствуваме со Украина за бројните загуби на животи и страдањата низ кои поминуваат со месеци“, рече премиерот Абазовиќ.

Абазовиќ и Рама во текот на денот ќе се сретнат со претседателот Зеленски.

На оваа посета ѝ претходеше телефонски разговор меѓу премиерот Абазовиќ и претседателот Зеленски, при што Абазовиќ истакна дека „Црна Гора дава отворена поддршка за независноста, територијалниот интегритет и суверенитет на Украина и целосно го поддржува односот на ЕУ кон руската агресија“.

Руската агресија врз Украина започна на 24 февруари годинава. На 8 април, црногорската влада официјално ги усвои санкциите против Русија и целосно ги следи меѓународните рестриктивни мерки против Русија поради воената агресија врз Украина.

ПОВРЗАНИ ВЕСТИ

Медведев го подбра Шолц: Германецот лаже и…

Заменик-шефот на рускиот Совет за безбедност Дмитриј…

Во Косово е уапсен еден од најголемите…

Уапсен е Гезим Чела, еден од најголемите…

Зеленски: Не смееме да дозволиме непријателот да…

Украинскиот претседател Володимир Зеленски ги повика Украинците…

Русите влегоа во Авдеевка од нов правец,…

Руските трупи влегле во Авдеевка од нов…

Германската буџетска криза нема да пречи на…

И покрај буџетската криза со која се…