Рација во дискотека во Струмица: Пронајдени 125.000 денари неевидентиран промет и низа други неправилности

Во полициска акција реализирана на подрачјето на СВР Струмица, односно во дискотека во Струмица, се детектирани повеќе неправилности во работењето.

Како што соопштија од МВР, меѓу другото, констатирано е постоење на неевидентиран готовински промет во висина од над 125.000 денари, потоа работа на лица кои не биле пријавени согласно ЗРО, потоа прекршувања по основ на Законот за угостителска дејност.

Од полицијата додаваат дека по целосно документирање против правното лице и одговорните лица во правното лице ке бидат изречени соодветни санкции.

Од страна на полициските службеници биле извршени 16 проверки на идентитет, 12 прегледи на лица, а затекнати се и 10 малолетни лица.

Share on Facebook

Tweet

Follow us

Save