Русија има за цел јакнење на стратешкото партнерство во БРИКС

Како дел од претседавањето со БРИКС, Русија е фокусирана на сеопфатно зајакнување на стратешкото партнерство, најави шефот на руската дипломатија Сергеј Лавров.

„Сите сме сведоци на тектонски промени на меѓународната сцена. Пред нашите очи се формира поправеден, мултиполарен светски поредок. Нејзината карактеристика е стремежот на се поголем број земји од глобалниот југ и исток да го зајакнат својот суверенитет и автентичност, да водат независна надворешна политика, да се потпираат на клучните национални интереси. Природна последица на тие аспирации е силно зголемување на интересот за БРИКС“, рече Лавров во видео обраќањето пред учесниците на Петтиот меѓународен форум на општините на БРИКС плус земјите.
Лавров изјави дека резултат на поголемиот интерес за соработка со БРИКС е историската одлука за прием на шест нови членки од 1 јануари 2024 година.

„Следната година со БРИКС ќе претседава Руската Федерација. Фокусирани сме на продуктивна, енергична работа на зајакнување на стратешкото партнерство во сите правци“, рече Лавров.
Членови на БРИКС се Бразил, Русија, Индија, Кина и Јужна Африка. На самитот во Јоханесбург во август беше објавена одлуката дека Аргентина, Египет, Иран, Етиопија, Обединетите Арапски Емирати и Саудиска Арабија ќе станат полноправни членки на организацијата од 1 јануари следната година.

Share on Facebook

Tweet

Follow us

Save