Руте: Членството на Украина во НАТО повеќе не е дел од агендата

Членството на Украина во НАТО повеќе не е дел од агендата, изјави генералниот секретар на Алијансата Марк Руте во интервју за ТВ Блумберг.
На прашањето на телевизијата дали (американскиот претседател Доналд) Трамп навистина го симнува од преговарачка маса прашањето за членството на Украина во НАТО, Руте одговори „Да“.

Според него, тој со внимателен оптимизам ја набљудува можноста за прекин на непријателствата во Украина оваа година.
Притоа, Руте истакна дека не мисли оти НАТО ќе учествува во обезбедувањето примирје во Украина во случај на прекин на огнот.
„Верувам дека на НАТО ќе му биде тешко да учествува во ова, но можно е Алијансата да советува како да го направи тоа најдобро“, рече тој.

Во исто време, Руте истакна дека безбедносните гаранции за Киев може да се разгледуваат само по склучувањето на примирјето.
Покрај тоа, Руте не ја исклучи нормализацијата на односите меѓу Европската унија и Соединетите Американски Држави со Русија на долг рок, но истакна дека Западот во моментов не е подготвен за тоа.

Share on Facebook

Tweet

Follow us

Save