САД го укинува задолжителното Ковид-тестирање за патниците во авионите

САД го укинува задолжителното тестирање за ковид-19 за патниците кои со авион доаѓаат во земјата, соопшти денеска Белата куќа.

По појавата на варијантата омикрон, американските здравствени власти ги заострија процедурите за тестирање за влез во САД во декември 2021 година.

Сите патници на возраст над две години мораа да приложат негативен тест за ковид направен помалку од еден ден пред полетувањето, без разлика дали примиле  вакцина или не.

Наредбата за задолжително тестирање за ковид истекува в недела во 12.01 часот по Гринич (18.01 по средноевропско време), бидејќи Центарот за контрола и превенција на болести утврдил дека тестовите повеќе не се неопходни.

Американската агенција ќе ја проценува потребата од тестови на секои 90 дена и може повторно да се воведе доколку се појави загрижувачки подвид на вирусот.

Share on Facebook

Tweet

Follow us

Save