САД и Британија извршија нови напади врз Хутите во Јемен

Белата куќа синоќа соопшти дека американските и британските сили извршиле нови напади врз осум цели врз Хутите во Јемен.

„Како одговор на континуираните незаконски и непромислени напади на Хутите врз бродови кои транзитираат по Црвеното Море и околните водни патишта, вооружените сили на Соединетите Американски Држави и Обединетото Кралство, со поддршка од Австралија, Бахреин, Канада и Холандија, извршија дополнителни напади врз осум цели во Подрачјата на Јемен контролирани од Хутите во согласност со вроденото право на индивидуална и колективна самоодбрана, во согласност со Повелбата на ОН. Овие напади беа дизајнирани да ја нарушат и деградираат способноста на Хутите да продолжат со нападите врз глобалната трговија и невините морнари од целиот свет, притоа избегнувајќи ескалација“ стои во соопштението на Белата куќа.

Од Вашингтон велат дека нападите што Хутите ги започнаа врз комерцијални и поморски бродови од средината на ноември претставуваат закана за сите земји кои се потпираат на меѓународниот поморски превоз.

„Ги осудуваме овие напади и бараме нивно прекинување. Ние, исто така, нагласуваме дека оние кои ги снабдуваат Хутите со оружје за извршување на овие напади, ја прекршуваат резолуцијата 2216 на Советот за безбедност на ОН и меѓународното право. Меѓународниот одговор на 22 јануари на континуираните напади на Хутите покажа заедничка решителност да се поддржат навигациските права и слободи и да се бранат животите на морнарите од нелегални и неоправдани напади“ додаваат од Белата куќа.

Share on Facebook

Tweet

Follow us

Save