САД МОЖАТ ДА ЈА ЗАПРАТ ВОЈНАТА ВО УКРАИНА КОГА САКААТ! Виктор Орбан по самитот на НАТО

Конфликтот во Украина ќе заврши веднаш штом тоа го посакаат САД, бидејќи Украина го загуби својот суверенитет, изјави унгарскиот премиер Виктор Орбан.

– Мирот ќе завладее веднаш ако тоа го сакаат Американците. А зошто Американците не го сакаат тоа, тоа е прашањето за кое размислува целиот свет. Украина всушност го загуби својот суверенитет – нема пари, нема воена индустрија, нема сопствени воено-производствени капацитети. Украина добива пари и воени ресурси главно од Американците и од Западот – истакна Орбан.

Како што додава, ако во Вашингтон сакаат мир, кога би повикале на прекин на огнот и преговори, „тоа би се случило следното утро“.

– Ниту на самитот на НАТО не добивме одговор зошто Американците не го сакаат тоа – изјави Орбан за радио „Кошут“.

Зборувајќи за членството на Украина во НАТО, премиерот на Унгарија рече дека приклучувањето на Киев ќе доведе до трета светска војна.

– Ако го направивме тоа што го бара украинскиот претседател, ќе бидеме во Трета светска војна. Мораме да бидеме подготвени за фактот дека војната и санкциите нема да исчезнат од нашите животи – рече Орбан.

Претходно, Орган рече дека мирот во Украина може да се постигне само по преговорите меѓу Русија и САД, а Европа ја пропушти шансата да биде посредник бидејќи не успеа да обезбеди спроведување на договорите од Минск.

Share on Facebook

Tweet

Follow us

Save