СДСМ: Мицкоcки лаже, првпат по седyм години има пад на пpоcечната плата за 1.000 денари

Мицкоски лаже, прв пат по седум години има пад на просечната плата за 1.000 денари, реагираат од СДСМ по денешната изјава на премиерот Мицкоски.

– Христијан Мицкоски денеска повторно излажа.

После седум години постојан раст на просечната плата, во јули годинава има пад за речиси 1.000 денари, според официјалните податоци од Државниот завод за статистика.

Тоа се фактите.

Просечната месечна исплатена нето-плата по вработен, во јули годинава изнесувала 40.961 денар и е за 1.000 денари пониска од јуни кога изнесуваше 41.939 според податоците од Државниот завод за статистика.

СДСМ во изминатите години ја зголеми просечната плата до над 41.000 денари.

Во времето на ДПМНЕ просечната плата беше на половина, едвај 20.000 денари. Во 2015 година, во времето на ВМРО-ДПМНЕ просечната плата изнесуваше 20.853 денари.

Платата постојано растеше со СДСМ со години наназад, во 2020 година просечната плата беше 28.294 денари, во 2022 година беше 34.364 денари а во 2024 година достигна над 41.000 денари.
Тоа е таа разлика. Дојде ВМРО-ДПМНЕ и Мицкоски и платите почнаа да паѓаат.

Платите се намалуваат а цените остануваат високи и растат. Со вакви погрешни економски политики на Мицкоски стандардот на граѓаните само ќе опаѓа. – велат од СДСМ.

Share on Facebook

Tweet

Follow us

Save