Седумнаесет години од хеликоптерската несреќа кај катлановско Блаце
Во Катлановско Блаце денеска се одбележуваат седумнаесет години од хеликоптерската несреќа во која трагично ги загубија животите единаесет припадници на воздухопловниот ВИНГ, враќајќи се од мировната мисија АЛТЕА во Босна и Херцеговина.
По тој повод делегација од Министерство за одбрана и Генералштабот на Армијата, составена од министерот за одбрана, Владо Мисајловски и началникот на Генералштабот на Армијата, генерал-мајор Сашко Лафчиски, ќе положат венец со свежо цвеќе на спомен-обележјето во Катлановско Блаце.
Припадници на воздухопловниот ВИНГ ќе положат свежо цвеќе и на спомен-обележјето пред командата во касарната „Страшо Пинџур“ во Петровец.
Во хеликоптерската несреќа, пред седумнаесет години, враќајќи се од мировната мисија АЛТЕА трагично ги изгубија животите потполковник Тони Спасовски, мајор Горан Ристовски, капетаните Бране Спасовски и Игор Ѓорески, наредниците Славчо Василев и Тони Давитковски, постарите водници Јанко Шириќ и Александар Тасковски, водниците Мики Ивановски и Александар Васиќ и десетарот Златко Вељаноски.
ПОВРЗАНИ ВЕСТИ
Шлепер се преврте кај Блаце, за среќа…
Шлепер денеска се преврте кај граничниот премин…
Обвинение за српскиот војник кој предизвика сообраќајка…
Вишото јавно обвинителство Краљево поднесе обвинителен акт…
Седумнаесет години од хеликоптерската несреќа кај катлановско…
Во Катлановско Блаце денеска се одбележуваат седумнаесет…
Уапсен е 28-годишник од Косово, се обидел…
МВР информира дека синоќа во 21.10 часот…
Полицајци од ГП „Блаце“ ќе одговараат за…
МВР соопшти дека е покрената дисциплинска постапка…