„Се заканува хаос и катастрофална 5G криза“ – предупредуваат американските авиокомпании

Извршните директори на големите американски патнички и карго авиокомпании испратија писмо до неколку владини агенции во кое изразуваат загриженост за безбедноста на летовите од среда, кога AT&T и Verizon треба да почнат да ја користат 5G мрежата.

Тие во писмото предупредуваат дека на авијацијата и се заканува „катастрофална“ криза за помалку од 36 часа, бидејќи новата услуга C-Band 5G може да направи значителен број авиони со неупотребливи, да предизвика „хаос“ на летовите во САД и дека десетици илјади „Американци би можеле да бидат заглавени на аеродромите во странство“.

„Доколку нашите главни аеродроми не бидат расчистени за летови, огромното мнозинство на патнички и товарни авиони во суштина ќе бидат приземјени“, напишаа извршните директори на American Airlines, Delta Airlines, United Airlines, Southwest Airlines и други компании во писмо до Ројтерс.

„Ова значи дека ден како вчерашниот ден, повеќе од 1.100 летови и 100.000 патници би биле предмет на откажување, пренасочување или одложување на летовите“, се предупредува во писмото.

Федералната управа за авијација (FAA) предупреди дека потенцијалното пречки во фреквенцијата може да влијае на чувствителните инструменти на авионот, како што се висинометрите и значително да ги наруши операциите на летот при слаба видливост.

Доцна во понеделникот, авиокомпаниите размислуваа дали да започнат со откажување на некои меѓународни летови за САД, кои се закажани за среда според распоредот на летови.

Во писмото, кое го потпишаа и UPS Airlines, Alaska Air, Atlas Air, JetBlue Airways и FedEx Express, се нагласува дека е неопходна итна акција бидејќи „искрено, националната трговија ќе престане“.

Писмото е испратено до директорот на Националниот економски совет на Белата куќа, Брајан Диз, министерот за транспорт, Пит Бутиџид, директорот на ФАА, Стив Диксон и претседателката на Федералната комисија за комуникации (ФК), Џесика Розенворсел.

Aviation for America, групата која го организираше потпишувањето на писмото, одби да коментира, а FAA рече дека „ќе продолжи да обезбедува безбедност при патувањето бидејќи безжичните интернет компании воведуваат 5G мрежа“.

FAA соопшти дека ќе продолжи да работи со авиоиндустријата и компаниите за безжичен интернет во обид да ги ограничи доцнењата и откажувањата на летовите поради 5G.

Другите владини агенции не одговорија на писмото на авиокомпанијата, јави Танјуг.

Share on Facebook

Tweet

Follow us

Save