INFOMAX.MK

Тим српски пожарникари – спасувачи денес од базата во Ниш тргна кон Грција. На пат кон Грција тие биле придружувани од началникот на Одделот за вонредни состојби на Министерството за внатрешни работи на Србија, Лука Чаушиќ, објавија српските медиуми.

Според договор на претседателот на Република Србија, Александар Вучиќ и премиерот на Република Грција, Киријакос Микотакис, по наредба на министерката за внатрешни работи Братислава Гашиќ, Одделението за вонредни ситуации на МВР испрати противпожарно-спасувачка екипа од 36 члена, со две припадници на брзата помош, како и 14 пожарникарски возила. на нивните колеги и грчкиот народ во гаснењето на големите пожари.

Вршителот на должноста помошник министер и началник на Секторот за вонредни ситуации Лука Чаушиќ го придружуваше противпожарниот тим во Ниш и рече дека пожарникарите-спасувачите на МВР на Република Србија се херои и гордост на земјата и дека во борбата против огромните пожари што ја зафатија Грција, ќе бидат распоредени на оние локации каде што се најпотребни.

„Нашите пожарникари-спасувачи се наши херои, тие се гордост на Секторот за вонредни состојби на МВР, но и на нашата држава и сигурен сум дека ќе го разубават лицето и на нашата држава, како што тоа го правеа во претходните меѓународни спасувачки мисии. Тие почнуваат од тука, сега од Ниш, а ќе бидат распоредени во договор со грчките колеги. Веднаш штом ќе пристигнат на собирното место, кое е околу Солун, во соработка со грчките колеги, ќе бидат распоредени таму каде што се најпотребни“, рече Чаушиќ.