ССМ повикува: Работниците да се обединат на протест за повисока плата и работнички права на 1 Мај

Претседателот на Сојузот на синдикатите на Македонија (ССМ), Слободан Трендафилов, упати јавен повик до сите работници во земјава да се приклучат на годинешниот Првомајски протест во Скопје. Протестот ќе се одржи на 1 Мај со почеток во 11:00 часот пред Работничкиот дом.

„Борбата за плата и работнички права е чиста работничка борба и никој не треба да чека покана – секој треба сам да се покани“, порача Трендафилов преку социјалните мрежи.

Под мотото „Време е да не зборуваме, туку да делуваме“, ССМ ги повикува граѓаните да изразат поддршка за зголемување на минималната плата, подобри услови за работа и заштита на работничките права. Со пораки како „#работничкакласа“ и „#работникотсебуди“, синдикатот најавува одлучен настап и јасна порака до институциите.

Очекувањата се дека протестот ќе собере голем број граѓани, особено по засилените дебати околу висината на платите и економските предизвици со кои се соочуваат вработените во земјата.

Неговиот повика на протест на линкот подолу:

Share on Facebook

Tweet

Follow us

Save