INFOMAX.MK

Поранешниот американски претседател и републикански претседателски кандидат Доналд Трамп денеска изјави дека очекува американскиот претседател Џо Бајден да остане во претседателската трка и покрај повиците на Демократската партија да се повлече и да го замени со помлад кандидат.
Трамп оцени дека Бајден нема да се повлече поради „неговото его“.

„Тие (демократите) го покриваат Бајден, но станува се потешко и потешко да се направи тоа. Тој сè уште е во трка поради неговото его и не сака да се откаже“, рече Трамп во интервју за Фокс њуз.
Трамп, исто така, процени дека доколку Бајден се повлече, на негово место ќе дојде потпретседателката на САД Камала Харис.

Тој додаде дека демократите не можат да го отстранат Бајден доколку тој самиот не го направи тоа или не можат да се повикаат на 25-тиот амандман на Уставот.
Според 25-тиот амандман, потпретседателот и мнозинството во претседателскиот кабинет можат да гласаат за претседателот „неспособен за извршување на должностите“, со што потпретседателот би бил назначен за вршител на должноста.

Повиците Бајден да се повлече од претседателската трка следеа по неговите лоши перформанси во дебатата со Трамп на 27 јуни.