Трамп: Завршив осум војни, се работи на деветтата!

Во своето обраќање пред Конгресот, американскиот претседател Доналд Трамп уште еднаш изјави дека спречил осум војни низ целиот свет. Така, тој ги поткрепи своите зборови дека ја направил земјата посилна и побезбедна не само дома, туку и во странство.

На листата, тој ги спомена Камбоџа, Косово и Србија, Индија и Пакистан, Израел и Иран. Тој не пропушти да им се заблагодари на своите специјални пратеници Стив Виткоф и Џаред Кушнер, како и на државниот секретар Марко Рубио.

Доналд Трамп нагласи дека работи напорно за да ја заврши деветтата војна – онаа меѓу Русија и Украина. Сепак, вреди да се напомене дека на церемонијата по повод четвртата годишнина од почетокот на војната во Киев немаше висок американски претставник. И не пропушти да додаде дека се врши притисок врз Иран со воено присуство за да се спречи Техеран да се здобие со нуклеарно оружје.

Трамп ја спомена способноста на Иран да испукува балистички ракети кон Европа и американските бази на Блискиот Исток. Трамп рече дека неговиот прв избор е дипломатијата, но дека никогаш нема да дозволи „главниот спонзор на тероризмот“ да се здобие со нуклеарно оружје. Трамп нагласи дека неговите постапки ги принудиле земјите-членки на НАТО да плаќаат придонес од 5 проценти во Алијансата и дека Европа сега им плаќа на САД за да ја брани Украина.

Share on Facebook

Tweet

Follow us

Save