Трамп: Немам желба да го поправам односот со Маск, ако ги поддржи демократите, ќе има последици

Претседателот на Соединетите Американски Држави, Доналд Трамп, изјави дека ќе има „сериозни последици“ доколку Илон Маск финансиски ги поддржи демократите во нивната борба против републиканците кои го поддржуваат сеопфатното намалување на даноците и законот за трошоци на претседателот, и рече дека неговиот однос со милијардерот е завршен.

Во телефонско интервју за NBC, Трамп одби да каже какви се последиците, додавајќи дека немало дискусија за тоа дали Маск треба да биде испитан.

На прашањето дали смета дека неговиот однос со сопственикот на Tesla и SpaceX е завршен, Трамп одговори: „Претпоставувам дека е така“.

„Не“, изјави Трамп за NBC кога го прашаа дали има желба да ги поправи односите со Маск.

Во обид да го деескалира јавниот спор што ескалираше во четврток, Маск избриша некои од своите објави на социјалните мрежи во кои беше критичен кон Трамп, вклучително и една во која ја поддржуваше идејата за негово импичмент.

Доцна во петокот, Трамп предложи преиспитување на владините договори со Маск. Луѓето што разговараа со Маск рекоа дека неговиот гнев почнал да се смирува и дека веруваат дека тој ќе сака да го поправи својот однос со Трамп.

Share on Facebook

Tweet

Follow us

Save