Трамп: Ќе ја започнам најголемата депортација во американската историја

Новоизбраниот американски претседател Доналд Трамп денеска вети дека веднаш по преземањето на функцијата на 20 јануари ќе ја започне „најголемата операција за депортација во американската историја“, како и дека ќе предложи да не се воведува забрана за TikTok извесно време, пренесува 4њуз.мк.

„На мојот прв ден во Овалната соба ќе потпишам историска серија извршни наредби за затворање на границата за илегалните имигранти и запирање на инвазијата на нашата земја. Истиот ден ќе ја започнеме најголемата операција за депортација во американската историја. поголема дури и од онаа што ја спроведе претседателот Двајт Ајзенхауер“, рече Трамп на конференција во Аризона, објави Њујорк пост.

Тој го назначи Том Хоман за свој „граничен император“ да ја води оваа мисија.

Трамп, исто така, му се заблагодари на TikTok, чија матична компанија ByteDance има рок до 19 јануари 2025 година или да ја продаде платформата или да се соочи со забрана на апликацијата за споделување видео од американските продавници за апликации Google и Apple.

„Мислам дека ќе треба да почнеме да размислуваме за TikTok. Имавме одличен одговор со милијарди прегледи…и беше многу убаво да се види тоа. Реков, мораме да продолжиме со оваа работа. уште малку“, додаде Трамп.

Share on Facebook

Tweet

Follow us

Save