Турција успешно ја тестираше “Тајфун”: Домашно развиена ракета со краток дострел
Турција изврши успешно тестирање на домашно развиената ракета со краток дострел „Тајфун“, јави турската телевизија Си-Ен-Ен-Турк.
Пробното лансирање го изврши турската компанија РОКЕТСАН во рамките на проектот за развој на ракетниот систем Тајфун на Управата за одбранбена индустрија.
Ракетата успешно ја погодила целта откако беше лансирана од копно во близина на турската црноморска област Синоп во правец кон морето. Тестирањето е извршено во 6.50 часот утринава од локација на Министерството за национална одбрана на аеродромот Ризе-Артвин.
Ракетата прелетала 561 километар за да ја погоди целта во близина на Синоп, јави ДПА, повикувајќи се на снимка објавена од турската новинска агенција Демирорен. Тоа значи двојно поголем дострел од турската ракета „Бора“.
Турција во последните години ги зголеми напорите да создаде сопствено одбранбено производство и е во процес на реализација на различни проекти – од самооден борбен тенк до беспилотен борбен авион, потсетува ДПА.
Во 2017 година, Турција, членката на НАТО, го купи рускиот систем за противракетна одбрана С-400, што наиде на критики од Алијансата. Поради тоа, САД ја исклучија Анкара од заедничката програма за развој на Ф-35.
ПОВРЗАНИ ВЕСТИ
САД ѝ се заканија на Турција со…
Помошникот на шефот на американското Министерство за…
Турција го блокира Инстаграм
Овој потег уследи по коментарите на турскиот…
Турција ќе ги заловува, но нема да…
Турскиот парламент усвои закон што налага сите…
Застрашувачка изјава на Ердоган: Турција би можела…
Турција би можела да влезе во Израел…
Силен земјотрес ја погоди Турција, се почуствува…
Земјотрес со размери од 4,8 степени според…