Уапсена кумановка, возела ,,бмв” со 92 километри на час во населено место

Од МВР информираат дека е уапсена кумановка, која управувала возило со повеќе од двојно поголема брзина од дозволената.

-На 05.11.2025 во 14:50 часот на булевар „Трета македонска ударна бригада“ во Куманово, полициски службеници од Полициската станица за безбедност на патниот сообраќај при СВР Куманово ја лишија од слобода И.А.(35) од Куманово. При контрола на патниот сообраќај со радар констатирано е дека И.А. управувала патничко возило „бмв“ со брзина од 92 километри на час во населено место каде што дозволената брзина е 40 километри на час.
По целосно документирање на случајот, против неа ќе биде поднесена кривична пријава по член 297-а од Кривичниот законик – „безобѕирно управување со моторно возило“, информираа од МВР.

Share on Facebook

Tweet

Follow us

Save