УАПСЕНИ СЕ УШТЕ ТРОЈЦА СРБИ, пренесува Канцеларијата за Косово и Метохија

Канцеларијата за Косово и Метохија соопшти дека Србите на северот на Косово се изложени на невиден терор и дека денеска се уапсени уште тројца Срби.
Канцеларијата изрази длабоко сочувство до семејствата на Србите кои загинаа во вчерашните трагични настани во селото Бањска во општина Звечан, како и до семејството на загинатиот албански полицаец.

„Во изминатата година од Белград постојано се испраќаа предупредувања до меѓународната заедница дека секојдневното насилство и провокации на Албин Курти кон српскиот народ на северот на Косово и Метохија може да доведе до трагедија и несогледливи последици. За жал, тоа се случи вчера. Албин Курти упорно ја уништуваше секоја можност за дијалог и нормализација на односите, се додека не се пролеа крв на северот на Република Косово. Северот на Косово и Метохија беше област на мирен соживот, додека таму не почнаа да дејствуваат специјалните сили на Курти, а Курти го спроведе својот план за етничко чистење на Србите“, се наведува во соопштението.

Канцеларијата го поддржува барањето на Српската листа меѓународните мисии да спроведат непристрасна истрага за дејствијата на т.н. Косовските специјални сили за време на настанот.

„Од тој момент, Србите на северот на Косово и Метохија минуваат низ невиден терор, за кој нема да слушнете ниту збор на осуда од меѓународните претставници. Специјалците Роса од синоќа влегуваат во српските куќи и тепаат цивили, им удираат шамари и ги навредуваат. Во текот на денот на север, возач и српски медицински техничар биле задржани неколку часа во базата Роса во Брњак. Денеска искршени делови од комплексот „Рајска бања“, а тројца вработени се самоволно уапсени. Косовската полиција ги демолираше и просториите на Поштата во Бањско. „Вчерашниот настан беше искористен од Приштина како повод за најеклатантен терор на северот на Косово и Метохија, каде специјалните сили на Курти ги малтретираа српските цивили во текот на целиот ден“, велат од Канцеларијата.

Во соопштението се вели дека сега е „крајниот момент“ да се преземат решителни мерки за „да се запре дивеењето на албанската полиција и да владее мир на северот на Косово и Метохија“.
„Србија апелира до актерите во меѓународната заедница итно да преземат конкретни чекори за да се ограничат воените и окупациските политики на Курти, а регионот да биде поштеден од уште едно назадување на тешко стекнатиот мир“, се заклучува во соопштението.

Share on Facebook

Tweet

Follow us

Save