Уапсен масовниот убиец од Младеновац: Вучиќ најави обраќање во 10.30!

Како што дознава РТС, масовниот убиец кој синоќа уби осум и рани 14 лица е уапсен во околината на Крагуевац. Напаѓачот со автоматско оружје пукал во жителите на неколку села во општина Младеновац.

Припадници на МВР по опсежна потрага го уапсиле У.Б.(2002) во населба Грошница, во околината на Крагуевац.

Тој е осомничен дека синоќа со огнено оружје убил осум лица и ранил 14.

Полицијата продолжува со работа на расветлување на сите факти и околности за овој настан.

Три лица кои беа ранети во пукотницата кај Младеновац се оперирани во болница во Смедерево и се во стабилна состојба, јавува репортерот на РТС.

Две ранети помлади лица, сместени во Клиничката болница „Д-р Драгиша Мишовиќ“, во текот на ноќта се оперирани и се во стабилна состојба. Еден пациент поради ортопедски повреди ќе биде пренесен во Ургентниот центар.

Во Клиничкиот болнички центар на Србија има осум ранети, но засега нема официјални информации за нивната состојба.

Во 10 часот и 30 минути ќе говорат српскиот претседател Александар Вучиќ и членовите на Владата на Србија, соопшти Службата за соработка со медиумите на претседателот на Републиката.

Share on Facebook

Tweet

Follow us

Save