Украинската амбасадорка во Бугарија: Сакам да го видам Путин што поскоро во Хаг!

Во интервју за бугарска НОВА, украинската амбасадорка во Бугарија вели дека сака што поскоро да го види Путин пред судот во Хаг.

Нејзината екселенција Олесија Илашчук е родена во Черновци, Украина. Дипломирала со почести на специјалитетот „Регионални студии“ на Катедрата за „Меѓународни односи“ на Факултетот за историја, политички науки и меѓународни односи на Националниот универзитет во Черновци. Таа е квалификувана како специјалист за меѓународни односи и преведувач. Амбасадорката Илашчук е и магистер по клиничко ментално здравје. Има искуство во управување со кризи и има учествувано во владини волонтерски проекти. Украинскиот претседател Володимир Зеленски на 23 декември минатата година го потпиша указот за нејзино именување за вонреден и ополномоштен амбасадор на Украина во Бугарија, а на 7 април оваа година таа му ги предаде акредитивните писма на Румен Радев.

– Путин и политичкото раководство на модерна Русија се воени злосторници. Поддршката за нив и нивните агресивни империјални политики е форма на соучесништво во злосторства против човештвото. Тоа е поддршка за дестабилизација, поддршка за тиранијата и помош за злото. Порано или подоцна, злото ќе биде казнето. Како што беше по Втората светска војна. Мислам дека сега не е можно да се преговара или да се разговара со Путин. Затоа што неговите алатки се изнуда, терор, убивање невини луѓе. Тој веќе се приклучи на групата тирани и најголемите криминалци на 20 век – Хитлер и Сталин. Како и секој човек кој бара мир и правда, имам само една желба – да го видам Путин во Хаг што е можно поскоро. – вели амбасадорката.

Share on Facebook

Tweet

Follow us

Save