INFOMAX.MK

Заканата од војна можеби не е исклучена. Опасноста од војна не треба да се преувеличува, но неопходно е да се биде подготвен. Ова го изјави претседателката на Европската комисија, Урсула фон дер Лајен, во говор пред Европскиот парламент во Стразбур.

Време е да се разговара за можноста за искористување на средствата од запленетиот руски имот за заедничко обезбедување воена опрема за Украина. Без разлика дали имаме поддршка од нашите партнери, не можеме да дозволиме Русија да победи, нагласи Фон Дер Лајен.

Влогот е голем – нашата слобода и нашиот напредок. Путин го користи мирот за да се подготви за војна. Европа мора итно да се разбуди, повика Фон дер Лајен. Многу европски илузии се урнати – дека мирот е постојан, дека Путин ќе претпочита економски напредок отколку уништување на Украина, дека Европа прави доволно за безбедноста. Нема повеќе простор за илузии. Во суштина, европскиот суверенитет е да бидеме одговорни за себе, за она што ни е важно, за нашата способност и волја да ги браниме нашите интереси и вредности. Обновувањето на вооружените сили на Европа е итна работа, додаде таа, рече Фон дер Лејен.

Таа најави дека во наредните недели ЕК ќе презентира предлози за распоредување на европско воено производство, за да може со заеднички јавни набавки да се обезбеди муниција и опрема. Во Киев ќе биде отворена канцеларија за иновации во одбраната, додаде таа, и го повика приватниот сектор да ги поддржи напорите за воено производство. Претседателот на ЕК рече и дека го поддржува предлогот во следната комисија да има и комесар за одбрана.