Косово ќе ја тужи Србија за злосторства извршени за време на војната

Косовскиот премиер Албин Курти денеска изјави дека Косово се подготвува да ја тужи Србија „за злосторства извршени за време на војната во Косово“, пренесува „Газета Експрес“.

„Во тек се подготовки за обвинение против Србија како земја одговорна за злосторствата извршени за време на војната во Косово, како што се злосторства против човештвото и геноцид“, рекол Курти при оддавањето почит на членовите на семејството Мулиќи.

Курти го повикал тамошното државно обвинителство да се ангажира „деноноќно и максимално“ за одговорните за смртта на жртвите да бидат кривично гонети, бидејќи како што порачал „без правда само со вистината, раните остануваат отворени“.

Share on Facebook

Tweet

Follow us

Save