(Фото) Ексклузивно! Што прифати Мицкоски на самитот во Брисел – го реафирмира договорот од Преспа и договорот со Бугарија!

Проширувањето на Европската Унија кон Западен Балкан ќе продолжи строго врз основа на индивидуалните заслуги и целосно почитување на меѓународните обврски што веќе ги презедоа земјите-кандидатки, вклучително и Договорот за пријателство, добрососедство и соработка меѓу Бугарија и Северна Македонија. Ова е наведено во Бриселската декларација усвоена на самитот ЕУ-Западен Балкан што се одржа во Брисел на 17 декември.

Состанокот ги собра шефовите на држави и влади на сите земји-кандидатки од Западен Балкан, со исклучок на Србија. Српскиот претседател Александар Вучиќ објави еден ден претходно, на 16 декември, дека нема да учествува на самитот.

Лидерите на ЕУ и претставниците на земјите-членки, заедно со нивните регионални партнери, потврдија дека иднината на Западен Балкан е во рамките на Европската Унија. Проширувањето беше опишано како стратешка инвестиција во долгорочен мир, безбедност, стабилност и просперитет. Декларацијата нагласува дека побрзиот напредок кон членство зависи од кредибилни реформи, строга и фер условеност и процес на проценка базиран исклучиво на опипливи резултати.

Документот става посебен акцент на регионалната соработка, помирувањето и добрососедските односи како неопходни компоненти на патот на проширување и создавањето заедничка европска иднина. Во овој контекст, ЕУ ја нагласува важноста на вистинското и ефикасно спроведување на обврзувачките меѓународни договори, вклучувајќи го Преспанскиот договор со Грција и Договорот за пријателство и добрососедство со Бугарија, кои Северна Македонија се обврзѕва да ги почитува.

Во исто време, декларацијата истакнува дека проширувањето на ЕУ мора да напредува паралелно со внатрешните подготовки на Унијата. Земјите кандидати се охрабруваат да ги забрзаат реформите, особено во клучните области како што се владеењето на правото, функционирањето на демократските институции, слободата на медиумите и заштитата на правата на малцинствата.

Текстот, исто така, потсетува дека постепената интеграција на Западен Балкан во ЕУ веќе започна во неколку области на политиката. Овој процес е опишан како реверзибилен и базиран на заслуги, нудејќи конкретни придобивки за граѓаните дури и пред полноправното членство. ЕУ нагласува дека подлабоката економска интеграција мора да го заштити интегритетот на единствениот пазар и да обезбеди фер конкуренција.

Дополнително, лидерите на ЕУ го потврдуваат своето очекување дека партнерите од Западен Балкан ќе се усогласат со Заедничката надворешна и безбедносна политика на Унијата, вклучително и примената на рестриктивни мерки. Тие, исто така, повикуваат на посилни напори за борба против корупцијата, организираниот криминал и хибридните закани.

Исто така, беше објавено дека следниот самит ЕУ-Западен Балкан е закажан да се одржи во Црна Гора во јуни 2026 година.

На документот кој е објавен и на македонски пишува дека сите страни се согласни на наведеното во делкарацијата.

Целиот текст на официјалниот документ објавен и на македонски можете да го прочитате тука.

Share on Facebook

Tweet

Follow us

Save