(Фото) Ковачевски и Пендаровски споделија фотографии од ручекот кај г.г. Стефан

Претседателот на Владата на Република Македонија, Димитар Ковачевски денеска присуствуваше на традиционалниот божиќен ручек кој го приреди поглаварот на Македонската православна црква – Охридска архиепископија (МПЦ-ОА), г.г.Стефан.

На традиционалниот божиќен ручек, премиерот Ковачевски присуствуваше заедно со претседателот на Република Македонија, Стево Пендаровски.

Архиепископот Охридски и Македонски, г.г. Стефан, секоја година организира божиќен ручек по повод божиќните празници и неговиот именден – празникот на архиѓакон и првомаченик Св.Стефан.

Фотографии од посетата на Фејсбук објави премерот Ковачевски кој напиша:

– Денеска присуствував на божиќниот ручек приреден од Архиепископот Охридски и Македонски, г.г. Стефан. Во духот на овие празнични денови му посакав добро здравје и долговечност во успешното вршење на неговата должност.

Симболиката на Христовото раѓање е потсетување дека секој од нас како човек има духовна сила и е повикан низ практикувањето на разбирање, чесност, трпение, љубов, грижа, одлучност, сплотеност и вербата во мудроста, како врвни човекови вредности, да придонесува во заедничкото добро.

Share on Facebook

Tweet

Follow us

Save