INFOMAX.MK

Единицата за заштита на посебни лица и предмети неодамна доби нов грб. Новиот грб е лав со македонско знаме, а на грбот и испишан е називот на македонски.

Претходното лого за разлика од новото е уникатно и дизајнирано специјално за таканаречеата шеста управа која пред се обезбедува ВИП личности, во суштина за вкусови не се разговара, но тука постои суштински проблем.

Суштината е дека нового лого на шестата управа е плагијат, односно едноставно копирано од интернет и е најобичен колаж од две фотографии.

Твитер профилот со никнејмот Сноп Гранчиња открива дека се работи за лого на некоја индиска компанија кое буквално е во целост ископирано и на него е залепено македонско знаме.

Добредојде на логото користено од одделение на МВР и индиец на јутуб. 🥰🥰🥰🥰🥰 https://t.co/hv2WOLSDWa pic.twitter.com/8N7pIo1tsR

— Фашис' Македонцки (@snop_granchinja) February 19, 2025

Да повториме дека старото лого со бувот и меџот беше специјално дизајнирано за потребите на овој елитен одред на македонската полиција. Симболиката во истото е огромна бидејќи бувот е животно кое ја претставува мудроста, а тој самиот е застанат над меч кој претставува физичка сила. Симболиката на старото лого беше дека умот секогаш ја поразува силата. Самиот пак слоган на шестата управа е „Секогаш будни“ што асоцира на бувот затоа што бувот е животно кое многу мал дел од денот поминува во спиење, а навечер стражари, набљудува и лови – додека лавовите поминуваат повеќе од 21 часа во денот спиејќи.