(Фото) Се ожени синот на Дејвид Бекам, го зеде презимето на невестата

Бруклин Бекам, 23-годишниот син на Дејвид Бекам се венча синоќа на Флорида со Никола Пелц.

Младенците го кажаа судбоносното „да“ вчера на Палм Бич, а венчавката се одржа на семејниот имот на семејството Пелц. Медиумите пишуваат дека Бруклин го земал презимето на неговата сопруга, кое сега ќе го користи како средно име.

На венчавката имало многу познати фаци, но младенците не успеале сѐ да држат во тајност и се појавиле неколку фотографии од церемонијата.

Бруклин и Никола потпишаа предбрачен договор, но не само за да го заштитат богатството на славниот фудбалер. Богатството на родителите на Бруклин, Дејвид и Викторија се проценува на 380 милиони фунти, но богатството на семејството Пелц се проценува на 4 пати повеќе од таа бројка.

На венчавката наводно биле потрошени неверојатни 4 милиони долари.

Никола има 27 години и потекнува од богато семејство. Нејзиниот татко, Нелсон Пелц, е американски финансиер чие богатство, според Форбс, се проценува на 1,7 милијарди долари.

Нелсон постепено ја развивал својата кариера. Најпрво работел како доставувач во семејната компанија за дистрибуција на храна A. Peltz & Sons, а потоа самиот основал компанија за замрзната храна. Има инвестирано и во многу други компании.

Тој е исто така основач на Trian Fund Management, заедно со Питер В. Меј и Едвард П. Гарден. Тоа е алтернативен фонд за управување со инвестиции со седиште во Њујорк. Тој има домови во Палм Бич, Флорида и Њујорк, а оженет е со мајката на Никол, Клаудија. Претходно, Нелсон бил во брак три пати.

Клаудија Пелц е поранешен модел. Никола често на социјалните мрежи објавува фотографии со нејзината мајка.

Share on Facebook

Tweet

Follow us

Save