INFOMAX.MK

Групата фанови на Шкупи, популарните „Шверцери“, денеска се цел на потсмевање во европскиот навивачки свет, откако на еден од најпознатата страница на Фејсбук на ултрасите ширум светот („Hooligans.sz“) беа објавени фотошопирани фотографии на навивачи на македонскиот тим, кои денеска и покрај забраната отпатувале за Бугарија.

Но, чаирчани биле откриени дека фалењето дека се среде Софија со приложување фотка од кафуле, всушност била стара слика направена во Пловдив и редактирана за да изгледа како да е од бугарската престолнина. „Уловена“ е и лага со уште една фотографија, која наводно денеска е направена на врвот Мусала на планината Рила.

„Сликата е дури и лошо фотошопирана, особено временските услови. На објавената фотка од навивачите на Шкупи се гледа облачно време во позадина, иако денеска ‘пука’ сонце од сите страни“, наведуваат луѓето од форумот на ултрасите.

Причина за ваквото покажување храброст, макар и со фотошопирани фотки на социјалните мрежи, е забраната која Бугарите ја изрекоа за доаѓање навивачи на Шкупи во Софија, по големите инциденти што се случија пред, за време и по првиот дуел од Конференциската лига во Скопје, а во кои со нож беше прободен навивач на Левски. Уште повеќе, на вечерашниот реванш на стадионот „Георги Аспарухов“ (21 часот) е забранет влез за било кој граѓанин на Македонија, без разлика дали е следбеник на чаирчани.

https://www.facebook.com/hoolscz/posts/665401522287665?ref=embed_post