INFOMAX.MK

Неодамна едно куче побегнало од дома и завршило на концерт на Металика, а сега во слична ситуација се нашол и еден домашен миленик во Србија.

Сепак, ова куче не побегнало за да „отиде“ на концерт, туку на спортски натпревар. Кучето по име Чичак побегнало од дома, а неговата сопственичка цел ден го барала. Се утврдило дека тоа влегло на кошаркарскиот натпревар помеѓу Партизан и Панатинаикос.

Možda jedna od najlepših priča ovih dana.
Pas nestane, već 24h, vlasnica ga traži, a onda sinoć bude primećen u ARENI😁 Čičak je ušao u Arenu ❤️🐾 i "navijao" za Partizan.
U nadi da je pronađen i da je u svim domu, nadam se da će Čičak i od @PartizanBC dobiti neku "nagradicu"? ☺️ pic.twitter.com/4pN34r5Ky2

— Dragan Gulic (@DraganGulic) December 1, 2023

„Можеби една од најубавите приказни деновиве. Кучето исчезнува веќе 24 часа, сопственичката го бара, а потоа синоќа е забележано во Арената. Чичак влегол во Арената и „навивал“ за Партизан. Со надеж дека е пронајден и дека е во својот дом, се надевам дека Чичак ќе добие некоја „награда“ од Партизан?“, напишал новинарот Драган Гулиќ на „Х“, кој објави и неколку фотографии.

Не е познато како кучето го поминало обезбедувањето и како стигнало до трибините, но било снимено меѓу луѓето како гледа на теренот. Сопственичката ги видела фотографиите кои биле објавени на социјалните мрежи и веднаш отишла на стадионот. Но, вработените ѝ рекле дека нема шанси тој да е фотографиран таа вечер бидејќи обезбедувањето внимателно си ја вршело работата.

Сепак, се чини дека Чичак нашол начин како да им се „протне“. По натпреварот тој среќно бил вратен дома.