Франција распоредува борбени авиони во Литванија

Франција утре ќе распореди четири борбени авиони „Рафал“ во Литванија за да обезбеди воздушна заштита на балтичките држави во период од четири месеци, објави француското Министерство за вооружени сили.

Распоредувањето е дел од мисијата на НАТО за балтичко воздушно набљудување, која е во сила од 2004 година, кога Литванија, Латвија и Естонија, земји без свои борбени авиони, се приклучија на Aлијансата.

Четирите авиони и околу 100 француски пилоти ќе бидат стационирани во воздухопловна база во Литванија, се вели во соопштението на француското министерство.

Ова е 12-ти пат од 2004 година Франција да ја спроведува оваа мисија за НАТО во балтичките земји.

Таа ја презема задачата од шпанскиот контингент.

Share on Facebook

Tweet

Follow us

Save