ШОК ИЗЈАВА НА НАЈГОЛЕМИОТ СОЈУЗ НА ПУТИН! „Ова не им треба ниту на Русите, ниту на Украинците, ниту нам: Ајде да седнеме на маса“

Додека украинските сили ја продолжуваат операцијата во руската област Курск, белорускиот лидер Александар Лукашенко упати сосема изненадувачки повик за прекин на војната.

„Ајде да седнеме на преговарачка маса и да ја прекинеме оваа кавга. Тоа не им треба ниту на Украинците, ниту на Русите, ниту на Белорусите“, изјави најголемиот сојузник на Владимир Путин.

Како што пренесува „Политико“, неговото барање, кое го пренесоа белоруските медиуми, в недела ќе го прикаже и рускиот државен канал „Россија 1“.

– На Западот му е потребна војна. Овие факти не можам да ги изнесам бидејќи се целосно тајни, но тие, највисоките функционери, отворено кажуваат, цитирам: „Сите нека загинат во ова лудило“, ги пренесува „Политико“ зборовите на Лукашенко.

Претходно Белорусија даде инструкции дел од воената опрема од борбените единици да се префрли на вооружените сили на Руската Федерација, поради итно барање на руската страна по загубите во Курската област и други области.

Изјавата на Лукашенко доаѓа во време кога военото напредување на Украина во областа Курск досега беше успешно, заземајќи 82 населени места од 6 август, како што изјави Олександр Сирски, врховен командант на вооружените сили на Украина.

Нивната операција ја фати Русија без стража, принудувајќи ги руските борбени сили да копаат ровови во близина на нуклеарната централа Курск во очекување на понатамошен напредок.

Украинскиот претседател Володимир Зеленски исто така рече дека стотици руски војници им се предале на украинските сили.

Share on Facebook

Tweet

Follow us

Save