Штипската библиотека без директор, вработените во неизвесност кој ќе им потпише плата!

Од поделбата на политичкиот колач помеѓу Дпмне и Знам, последици трпат сите институции, па и оние од културата. Во две недели, двајца директори на штипската библиотека си дадоа оставки, реагираат од Левица Штип.

– Доскорашниот директор Јамаковски од СДСМ, си поднесе оставка на крајот на ноември годинава, а пред 6 дена, од Љутков беше назначена Ивана Стојанова – исто така, член на СДС, која под итно се предомислила и си дала оставка пред два дена.

Инаку, за директори на Библиотеката во Штип, периодов се токмеа неколкумина истакнати, а крајно некомпетентни кадри на Дпмне, но при политичките пазарења на коалициските партнери, ова директорско место му припаднало на Знам.

Јавно се зборуваше дека во последниот период, Штипски Знам, под дрво и под камен барале соодветен кадар од нивните редови за оваа позиција, но никако не успеале да најдат.

Потоа посегнале да убедуваат вработени во Библиотеката, па по бројни обиди, ја кандисале Стојанова, која е во тесни роднински врски со Ирена Китанова – член на ИО на СДСМ.

Фактот што во време на апсолутна власт на Дпмне треба да биде поставен директор од редовите на Сдсм, влијаело Стојанова по брза постапка да се предомисли и после 4 дневно директорување си дала итна оставка!

Левица како работничка партија, и овој пат стои на страна на вработените во Библиотеката во Штип и апелира до Министерството за култура и туризам да преземе мерки за итно назначување на директор и уште поитно и транспарентно да распише конкурс за директор на кој би имале можност да се пријават компетентни лица, наспроти истрошените партиски кадри! – велат од Левица.

Share on Facebook

Tweet

Follow us

Save