Ѓоковиќ: Бомби ми паѓаа над глава додека како дете сонував за Вимблдон

Новак Ѓоковиќ, најдобриот тенисер на сите времиња, уште еднаш потсети на своето воспитување во Србија, откако се пласираше во десеттото финале на Вимблдон.
Ѓоковиќ во максималните три сета го совлада Лоренцо Музети и в недела ќе игра против Карлос Алкараз за нов трофеј.
И тој трофеј го сонуваше како момче.

„Многу пати реков, Вимблдон е мојот детски сон, сакав да играм овде, да победувам, но вреди да се повтори. Сонував додека бомбите ми паѓаа над глава во Србија, сонував да играм на најважниот терен, го правев трофејот на Вимблдон од работите што ги најдов во мојата соба, ја имав поддршката од моето семејство, потоа од сопругата, а сега тоа е неверојатно патување за мене“, рече Ѓоковиќ.
Ѓоковиќ патувањето до трофејот ќе го продолжи со дуелот со Алкараз в недела, во реприза на минатогодишното финале.

Share on Facebook

Tweet

Follow us

Save