Астрономски цени на билетите за финалето на Вимблдон: Најевтиниот е речиси 10.000 евра!

Ден откако беше познато дека Новак Ѓоковиќ ќе се соочи со Карлос Алкараз во финалето на Вимблдон, пристигнаа неверојатни информации за цената на билетите за денешниот натпревар на централниот терен.

Имено, како и во изминатата сезона, српскиот и шпанскиот тенисер ќе се борат за трофејот на престижниот турнир, а спектаклот во Лондон ќе го следат во живо околу 15.000 фанови.

Многу љубители на „белиот спорт“ грабнаа, секако, секој на свој начин, билети од претходно, но и помал контингент билети беа пуштени во слободна продажба откако дознаа дека Карлос и Новак и годинава ќе ги одмерат силите во финалето. Во оваа прилика беше соборен рекордот на познатата веб-страница „ТикПик“ специјализирана за продажба на билети за големи спортски настани. А, најевтините билети за финалето на Вимблдон чинат 10.600 долари или 9.706 евра.

Извор

Share on Facebook

Tweet

Follow us

Save