Јакимовски најавува изградба на 4 цркви во Карпош – Ова го бараат граѓаните!

Предлог дуп-от во Карпош, предизвика реакции помеѓу граѓаните. Градоначалникот Стевчо Јакимовски, во Студио 10 вели дека овие планови биле изработени од минатите градоначалници и дека сегашната верзија е малку изменета. Како општина не можеле да прават видни измени бидејќи се работи за приватно земјиште.

„Кај Кино карпош ќе има една зграда 11 – катница. Тоа е приватно земјиште, но мора на совет да помине. Овој план е подговотвен од претходниот градоначалник. Има законски ограничуања на кои ние не можеме да влијаеме. Не можеме да нацртаме трева или да ја избришеме парцелата.“ – вели Јакимовски.

Со сегашниот план предвидени се и четири цркви, кои, какошто вели Јакимовски се исклучиво по барање на граѓаните. На прашањето дали доколку граѓаните се изјаснат дека сакаат џамија во овој предел, тој потенцираше дека со 98% застапеност е население кое се христијани.

„Црквите се по барање на граѓаните. Предвидени се 4 цркви бидејќи 98% од населението во Карпош се христијани. Нашиот план е на 10 – 12 илајди жители да има една црква“ – изјави Јакимовски во Студио 10.

Share on Facebook

Tweet

Follow us

Save